На Велики петок во црквите се изведува и обредот симболично погребување на Исус Христос. Тоа се прави на тој начин што платното наречено „Плаштеница“ се положува врз посебно подготвен симбол на Христовиот гроб. Поминувајќи под Плаштеницата верниците сочувствуваат со распнатиот Исус.
После две години пауза заради ковид пандемијата, голем број битолчани денеска на Велики Петок дојдоа во црквата „Свети Великомаченик Димитриј“ да остават јајце и да поминат под изложената Плаштеница.
Во црквите исто така е поставено и Христовото Распетие пред кое верниците се поклонуваат и Исуса го бакнуваат во раните на нозете.
Фотогалерија на Саше Богоевски и Диоген Хаџи Коста Милевски
