Здружението на психолози за стручна и морална поддршка на деца и возрасни „Рилука“, во соработка со танцовиот клуб „Спортакус“, со поддршка од општина Битола, на плоштадот Магнолија, организираа голема детска забава, насловена „Чекор пред себе“.
Настанот имаше за цел, подигнување на свеста за грижата за физичкото и менталното здравје со акцент на најмладата популација, преку активно вклучување на децата во повеќе забавно едукативни активности.
-Нашата соработка трае веќе две години и константно имаме заеднички настани, бидејќи имаме на некој начин исти цели. Една од нив е психхофизичкото здравје на децата и младите, поттикнување на моралните вредности кои некако ги занемаруваме, не ги користиме правилно. Промовираме здрав начин на живот, не е само спорт и здрав начин на живот, но и преку пишан збор и уметничко изразување како и танцот, токму на тој начин децата успеваат да се изразат, рече Ирена НИколовска Ристановска од РИЛУКА.
Преку танцот, музиката, пишаниот збор и ликовното изразување, беше потенцирана важноста на овие активности кои се многу значајни за негување на моралните вредности, во функција на зачувување на здравјето.
