Во рамките на придружната програма на 52. издание на фестивалот „Илинденски денови“ беше отворена изложбата „La belle epoque – Истокот и Западот, битолската мода низ објективот на Манаки (крајот на 19 и почетокот на 20 век)“ реализирана во соработка со Државниот архив – одделение Битола.
Изложбата беше отворена од страна на директорот на Државниот архив – одделение Битола, Гоце Стојановски и директорката на Центарот за култура и претседател на Советот на фестивалот, Маја Андоновска Илијевски.
На крајот на 19-век и почетокот на 20 век, објективнот на браќата Манаки ќе ги овековечи бурните времиња што ги живееше градот. Меѓу еконономската неизвесност, политичките пропаганди и влијанија, нестабилноста на Отоманската империјам Битола ќе се најде на крстопат помеѓу несигурна, но и возбудлива иднина синтетизирајќи ги елементите на стариот свет и европскиот прогрес и благосостојбата во новото време.
За битолската мода во овој период, д-р Владимир Јаневски ќе истакне:
„Крајот на 19 век и почетокот на 20 век за Битола бил особено важен период и исто така голема пресвртница во однос на модните достигнувања“. Се напуштила старата традиционална облековна култура наречена ала турка и се заменувала со нова културна творевина ала франга.…Сите овие новини во модните случувања морале секогаш да бидат придружени со приказ на социјалната градска средина, но овековечувањето на истите морало да биде придружено со една нова технологија, а тоа е фотографијата. Во тој дел, несомнено најголемо место заземаат браќата Јанаки и Милтон Манаки“.
