Летните горештини од битолската библиотека ги поминуваат дружејќи се со книгите и волшебните приказни кои се кријат во нив. Овој пат на гости им беа на децата од Едукативниот центар „Малиот принц“. Тие ги пречекаа со нивната топла насмевка и желба да научат нешто ново.
Денот го поминаа со италијанската приказна за „Магдоновче“, извадок од книгата за деца „Најубавите приказни за принцези од целиот свет“.
Откако ја слушнаа магичната приказна за Магдоновче, принцезата со зелена коса, децата имаа задача да ја нацртаат. А потоа од библиотеката имаа можност да ги слушнат и другите приказни за принцези кои им ги прочитаа децата, бидејќи тие сакаа да им покажат дека научиле да читаат и дека многу сакаат да читаат.
Па така за крај сите уживаа во читањето.
Порака од овие дечиња за сите други деца: „Читајте приказни!!! Другарувајте со книгата во овие летни горештини“
