Во духот на добро познатиот и проверен рецепт, комбинирање на македонскиот dark wave soundсо православното црковно пеење, по само четири седмици од објавувањето на песната ПРЕВЕЗ, Александар Гулевски пред македонската публика ќе се претстави со својата нова песна – ДОМ.
ДОМ е песна во која се чувствува стариот, добро познат рокенрол концепт, сместен во готик рокот. Во песната се појавуваат гитарски украси кои неодоливо потсетуваат на македонската чалгија. Песната е зачинета со темни, но слатки и прецизно отпеани вокали. Заедно со текстот, кој е сугестивно контемплативен, песната алудира на барањето на смислата на постоењето во длабочините на човечката душа.
Спотот и песната ДОМ ќе бидат промовирани на 09.02.2023 (четврток), во кафулето Порта Џез во Битола, во 21.00 часот.
