СОУ Гимназија „Јосип Броз Тито“ – Битола успешно ја заврши реализацијата на грантот добиен од Министерството за образование и наука во рамките на Програмата за заштита од насилство, злоупотреба и запуштање на ученици.
Во изминатиот период училиштето реализираше низа активности насочени кон јакнење на безбедна, инклузивна и поттикнувачка училишна средина, во која почитта, емпатијата, достоинството и взаемната поддршка се темелни вредности. Во активностите активно учествуваа учениците и наставниците, испраќајќи силна порака дека насилството нема место во училиштето и дека секој облик на насилство треба навремено да се препознае, пријави и спречи.
Како круна на проектот, изработена е видео-запис каде се претставени најзначајните моменти од реализираните активности. Покрај тоа, подготвена е и електронска брошура со ученички есеи и цртежи, преку кои младите на креативен и искрен начин ги пренесуваат своите ставови, чувства и визија за училиште во кое владеат безбедноста, почитта и меѓусебното разбирање.
Со објавувањето на овие материјали на официјалната Фејсбук-страница, училиштето испраќа порака дека превенцијата од насилството не завршува со проектните активности, туку продолжува преку секојдневното градење култура на дијалог, доверба, солидарност и заедничка одговорност.
СОУ Гимназија „Јосип Броз Тито“ – Битола останува доследна на својата определба да создава училишна средина во која секој ученик ќе се чувствува безбедно, прифатено и охрабрено да го развива својот потенцијал.
Какви деца воспитуваме?
Книжарница. Влегува мајка со малечко девојче. Мајката дотерана, по сите прописи, со …
Не го игнорирајте отокот на нозете во летните горештини – кои се причините?
Летото носи со себе високи температури, но и непријатности како што е …
