Дали се сеќавате кога последен пат сте се смееле од срце или сте направиле нешто за себе, нешто кое ве исполнило со живот: Дали имате време за себе? Дали имате хоби во кое уживате? Ако одговорот е да, тогаш спаѓате во групата на исполнети и среќни луѓе, но ако одговорот е не, тогаш нешто треба да промените.
Во овој модерен свет, човекот е заробен меѓу бетонираното сивило, амбициите кои имаат тенденција да развијат канцерогеност и некако се провлекува дека е во тренд човек да е уморен, ако не е уморен – тој ништо не прави.
Секој организам има различна потреба од сон. Сонот е битен за виталното здравје на мозокот , а мозокот е орган за преживување, така што, ако се грижиме за состојбата на компјутерот или телефонот – секогаш да имаат доволно батерија за да ни бидат во функција, тогаш 100% повеќе треба да се грижиме за состојбата на нашето мозок и тело – за да ни биде во функција.
Има некои основни симптоми кои покажуват дека недоволно се грижите за себе, а ако не се грижите вие за себе, тоа за вас никој не може да го стори.
Наутро се будите уморни – спиењето е најдобар начин за опуштање , помага во закрепнување и зајакнување на менталните способности, го ресетира мозокот, за да можеме да продолжиме да живееме и работиме активно и понатаму. Доколку се будите уморни – размислете за одмор или променете ја околината.
Посакувате промена – главна состојка на животот е промената. Ако постојано сонувате за поинаков живот, дефинитивно не сте на местото каде што би требало да бидете. Ви треба одмор и промена.
Несоницата е симптом на умор.
Чувствувате болка во главата, зглобовите, мускулите, иако имате посетено доктор сепак ви нема поставено дијагноза. Духовната исцрпеност ви се манифестира врз вашето тело. Ви треба одмор – релаксација.
Често си ги поставувате прашањата: Зошто живеам? Зошто не постои среќата? Која е смислата на животот? Во светов се чувствувате како странец и сте навикнале да се фокусирате на проблемите – нормално е да се чувствувате исцрпено.
Не чувствувате радост – доживувате страв, апатија, срам, имате чувство на вина, овие се чувства кои ја црпат животната енергија. Му дозволувате на минатото да раководи со вас, не можете да го пуштите – ве исцрпува.
Што може да ви помогне?
Позитивни афирмации, замислувате убави случувања, медитација, молитва, колку што ви дозволуваат животните околности бидете физички активни, одвојте време за себе и правете го она што ве исполнува.
Ако за некој или нешто го жртвувате вашиот личен мир – убаво пресметајте дали вреди да се направи таа огромна жртва.
