Многу мажи се љубители на мачки, но љубовта меѓу мачките и жените е почеста и обострана – мачките се посклони (и машки и женски) да им ја дадат својата доверба на жените, а жените почесто ги избираат мачките за домашно милениче.
Научниците го проучувале овој феномен и забележале некои причини за оваа меѓусебна приврзаност:
Жените имаат попријатна фреквенција на гласот
Мачките се многу чувствителни на звуци, тие се многу комуникативни и често многу гласни и експресивни – тие реагираат кога им се обраќаат, а жените имаат тенденција да им се обраќаат и да разговараат со нив. Во исто време, гласот на жената е помек и попријатен за уво, на што мачките (како и децата) убаво реагираат.
Нежен допир
Женската рака е она што мачките го ценат (како и мажите). Женскиот допир е понежен и повнимателен, а мачките сакаат да се галат – но не поднесуваат мака.
Мајчинска склоност
Женките се погрижливи, бидејќи се генетски предодредени да се грижат за младенчињата, а мачките се за нивните сопственици како што се мачињата за мајките-мачки.
Слични по карактер
Мачките не ги почитуваат наредбите и тешко се тренираат, ја ценат својата слобода и приватност и се самодоволни. По овие особини се одликуваат и жените, колку и да ги кријат со питома и семеен начин на живот.
Мачките одлично се грижат за своите млади, тие се чисти, агилни, грациозни и – убави. А тоа се и комплименти кои искрено можат да и се упатат на речиси секоја жена.
Жените се попосветени
И тоа е најважната причина – жените имаат интензивна емоционална интеракција со светот околу нив, негуваат длабоки врски на приврзаност, добро набљудуваат и сочувствуваат, несебично посветуваат внимание и вложуваат повеќе време и енергија во развивањето на тие врски.
Мачките го препознаваат ова и реагираат. Тие ја враќаат љубовта што им е дадена и секој сопственик на мачка ќе го потврди тоа без двоумење.
