„Сонет 66“ е еден од 154-те сонети напишани од Вилијам Шекспир – англискиот поет и драматург. Напишано е во 1609 година, што значи дека овие стихови се стари цели 4 века!
Писателот е лут на општеството, па разоткрива сè што го растажува. Тој ја критикува општата неправда на животот, општествениот неморал и угнетувачката власт.
Сонет 66
Уморен од сè ова, за смрт успокојувачка молам,
што заслужноста, гледам, понижена е во беда;
и бедната ништост зацарена во раскош гола
и најчистата верба прекршена и мошне бледа;
и златната чест укажана грешно,
и моминската доблест изблудена грубо;
и совршенството врвно унижено, смешно
и моќта од немоќните урната убо;
и уметноста замолчена од властодржната грубост
и лудоста над умешноста ставена да кружи;
и вистината едноставна сметана за глупост
и заробена добро, ставена на злото да ѝ служи.
Уморен од сè ова, в смрт би пошол без драма
само да не ми остане љубовта сама.
(Препев на Драги Михајловски)
