Битолчанецот Никола Зацески ја објави новата песна „Не признавај“ на својот Youtube канал.
Со оваа балада и со својот талент – Зацески публиката ја потсетува на златните времиња на македонската музичка сцена, така што дава надеж дека навистина има огромен простор и потреба за квалитетен жанр на музика на македонската музичка сцена. После промоција на секоја нова песна се чувствува – колку всушност недостига македонска музика – наспроти увезените прототипни инстант музички спектакли чиј рок на траење е со сомнителен квалитет.
„Зад оваа песна стои и еден многу млад и талентиран автор Бојан Димитровски, кој се потпишува за музиката, текстот и аранжманот. Ова е наша прва официјална соработка, и верувам не последна, бидејќи станува збор за еден голем талент и креативец во својата работа“ – изјави Никола Зацески
Мастеринг и снимањето беше обработено со Ангел Ќосев, во неговото студио “Подрумот”, додека зад видео записот се потпишува Никола Митревски.
Песната „Не признавај“ е дел од албумот „Срцето Мое Тука Чука”
На врската подолу – уживајте Уживајте во ова музичко дело кое произлезе од претпознатливите и преубави македонски звуци:
