Младата битолчанка Марија Цветановска на Youtube го промовираше видео спотот за песната „Засекогаш твоја“ која беше создадена за Охрид Фест 2022 каде ја доби наградата за најдобра интерпретација.
Марија има 18 години, а со пеење се занимава од нејзините 8 години.
„Оваа година започнав соработка со господинот Григор Копров, кој воедно е автор на мојата нова песна ,,Засекогаш твоја”. Засекогаш твоја беше создадена за Охрид Фест 2022 на кој ја добив наградата за најдобра интерпретација. Музика од Григор Копров, Аранжман од Владимир Дојчиновски Дојчин, и текст на Огнен Неделковски ја направија оваа песна гарантиран хит. Периодов беше снимен и спотот за ,,Засекогаш твоја” од страна на Виктор Апостоловски, дрон Саше Богоевски и машка главна улога Симеон Тасев. Спотот е снимен на повеќе локации во околината на Битола и пошироко, и официјално ќе биде објавен на 06.10.2022. Благодарност до целиот тим кој стои позади овој голем проект, се надевам песната ќе добие добри критики и ќе биде прифатена од јавноста, а очекувајте уште многу нови проекти и добри хитови“, вели Марија за Читај бе.
