Жената кога ќе стане мајка, таа продолжува да расте заедно со своето дете. Секоја мајка е најдобра мајка за своето дете, не попусто се вели дека зборот мајка е единствениот збор кој нема заменка.
Дали жената е целосно подготвена за предизвикот – мајка, кога тоа ќе стане?
Нема ни време за подготовка, ниту избор – во тој свечен момент таа само ги зема уздите и ја презема новата и доживотна улога.
Некои работи жената ги учи подоцна како на пример:
- Изреката „како правиш, така ти се враќа“ во мајчинството е аксиома. Често се случува мајките да добијат слични деца на себе во првите години од животот. Тоа значи дека децата не спијат, пребирливи се во исхраната, имаат сличен темперамент. Ако се земе предвид дека во првите три години од животот на детето улогата на мајката е најважна.
- Парот пред бебето и после бебето се два различни света. Жената се вложува да биде добра мајка, и истовремено да остане добра сопруга – огромна работа. Навикнете се дека секогаш нема да цветаат ружи и конструктивен дијалог, битно е да се доживее промената.
- Мајчинството уморува, не очекувајте дека мајките се секогаш весели и исполнети.Таа се грижи за бебето, за целото семејство, работата и еден куп други попатни обврски, некогаш е потребно да се разбере и таа и нејзината нервоза и тишина. Жената кога ќе стане мајка , таа започнува постојано да се грижи за нешто околу своето дете.
- Никој не може да каже што е правилно. Мајките се водат од својот вроден мајчински инстинкт кој се активира некогаш од позитивниот тест за бременост, или при првиот контакт со бебето. Мајката едноставно знае што е најдобро за нејзиното најмило, грешките се случуваат секојднево, со оглед дека ниедно бебе не е родено со упатство за употреба.
На крајот – не постои некаков начин на кој жената би се подготвила за мајка. Постојано ќе слушаме разни приказни од роднините, пријателите, но ни одблиску не го опишуваат новиот животен предизвик. Треба да се препуштиме на убавината кога самите можеме да откриваме и сознаваме нови нешта – мајчинството е најубавата улога што може да ја има една жена.
