Да се потсетиме на најстарите методи на боење велигденски јајца, кога вештачките бои не постоеја, туку се користеа само природни материјали од градината.
Жолти јајца – заедно со јајцата можете да ставите да се вари кора од лимон, портокал или морков. Во водата за готвење можете да додадете мелен ким или да ги сварите јајцата во чај од камилица.
Портокалеви јајца – сварете лушпи од кромид или морков заедно со јајцата, a во водата за варење на јајцата додадете чили во прав или мелен црвен пипер.
Црвени јајца – заедно со јајцаta варете и лушпи од црвен кромид, а можете да пробате да ставите и чај од шипка.
Розеви јајца – за да добиете розова боја, сварете ги јајцата заедно со цвекло, сок од брусница или сок од грозје.
Сини јајца – за да добиете сина боја, варете ги јајцата заедно со листови виолетова зелка или сок од грозје.
Зелени јајца – за зелена боја можете да користите свежи листови спанаќ, кои ќе ги сварите заедно со јајцата.
Напомена: Боите сигурно нема да имаат ист интензитет како кај вештачките, но се многу поздрави. Во водата можете да додадете малку јаболкова киселина за бојата да се впие што подобро.
