Во ЗМГ Битола вчера беше реализиран проектот „За историските објекти во Битола, заштитени со закон, од османлискиот период“, чиј автор е Агим Џело.
Проектот опфати изложба и видео проекција, преку кои беа прикажани културно-историските вредности што Битола ги поседува од османлискиот период.
Со свои видувања и историски анализи учество зедоа професорот по историја Љупчо Стојановски и Орхан Демири, професор по исламски науки и имам во Исхак Челеби џамијата.
На присутните им се обратија авторот Агим Џело и професорот Стојановски, кои ја истакнаа значајноста на овие објекти за културниот идентитет на градот Битола и за државата во целина.
Посетителите имаа можност одблиску да се запознаат со богатото историско наследство што го носи Битола — град со длабоки корени и трајни белези од различни цивилизации.
