Десет навики на здодевните луѓе – дали сте меѓу нив?

Се плашиме од досада, како и дека некој може да ни здодее, но и дека некому сме досадни. На Универзитетот во Вирџинија, беше спроведено психолошко истражување кое истражуваше „Што ги прави одредени луѓе здодевни?“.

• Или зборуваат премногу или постојано молчат – здодевните соговорници не можат да најдат рамнотежа помеѓу зборувањето и слушањето, кај нив е случајот што секогаш се на едната страна од овие две крајности.
• Тие не можат да проценат колку искрено соговорникот учествува во разговорот – здодевните луѓе обично не обрнуваат внимание на говорот на телото. Она што човекот го прави здодевен соговорник е кога континуирано го игнорира говорот на телото и сигналите кои му се испраќаат затоа што соговорникот со говор на телото му вели: „Не ме интересира што зборуваш и те слушам и кимам со главата само. од учтивост“. За да го избегнете ова, треба да знаете како да го читате говорот на телото, а не само содржината на зборовите.
• Досадните луѓе не можат да ги насмеат другите луѓе – хуморот е одраз на менталната флексибилност, способноста да се разгледа некој настан или идеја од различни перспективи. Досадните луѓе не можат да го направат тоа.
• Здодевните луѓе секогаш ги прават истите работи – не излегуваат од својата рутина, а потоа немаат ништо интересно да споделат со своите соговорници.
• Никогаш немаат што да кажат – обично оние кои се секогаш најгласни се досадни и секако се убедени дека се многу интересни. Сепак, има и оние здодевни луѓе кои секогаш молчат и најчесто одговараат на прашањата со „претпоставувам“ без воопшто да го кажат своето мислење. Сметаат дека е подобро да не кажуваат ништо бидејќи мислат дека никој не сака да ги слуша.
• Тие немаат мислење – секој што нема мислење или не е подготвен да го искаже, нема што да понуди во разговор.
• Не знаат добро да раскажат некој настан – кога некој знае интересно да зборува, тоа го привлекува и задржува туѓото внимание.
• Тие ги гледаат работите само од своја перспектива – кога некој има способност да се „стави во туѓа кожа“ станува интересен соговорник, а здодевните луѓе не можат да замислат, па дури и да се мачат да замислат како се чувствува другиот.
• Од нив никогаш нема што да се научи – ако не се надоврзувате на она што го кажува соговорникот, разговорот едноставно престанува бидејќи темата не се проширува.
• Здодевните луѓе не ги вклучуваат другите во разговор – затоа што обично изнесуваат премногу неважни детали. Ако некој во кругот каде што се одвива дијалогот се чувствува изоставен, ова е знак дека сте досадни.

Читај бе