Од Јапонското министерство за образование, култура, спорт, наука и технологија ги соопштија резултатите од 32-вото издание на светскиот детски ликовен конкурс 2О24 / 2О25 година кој е основан во 1993 година во Токио.
Оваа година според организаторите на оваа еминентна манифестација која го вреднува детското сликарство на светскиот детски ликовен конкурс пристигнаа над 12.000 детски ликовни цртежи на млади ликовни уметници до 19 години од 68 земји од цел свет.
Македонија традиционално како и секоја година беше преставена само од Детското ликовно студио „Свети Кирил и Методиј“ Битола кое по селекцијата испрати колекција од 15 цртежи од исто толку свои ученици од кои ученичката Бојана Стефановска за своето уметничко дело беше наградена со признание 1ОО од 1ОО најдобри млади уметници.
Жири комисијата која во состав е од професори и академици од Националниот Музеј за модерна уметност во Токио и Универзитетот за ликовни уметности во Токио и сродни Универзитети од Јапонија имаа поприлично тешка задача да ги наградат најдобрите ученици.
„Нескромно, но наградата која има огромно значење и за нашиот ученик, но и за нашето студио беше oчекувана. Бојана има специфичен стил на ликовно – уметничко изразување кое ние максимално го поттикнуваме во правилниот развој, но без интервенции на веќе изградениот личен пристап.
И тоа не фасцинираше со што бевме сигурни дека кога – тогаш ќе е соодветно препознаен. Успехот од Токио е потврда на целата таа работа” – изјави Елена Хаџи-Антоновска, претседателка на Детското ликовно студио Свети Кирил и Методиј Битола.
Светскиот детски ликовен конкурс во Токио веќе 32 година е плод на взаемна соработка на Министерството за образование и култура заедно со Министерството за надворешни работи на Јапонија како и десетина Универзитети за ликовни уметности и Музеи во Јапонија.
