Бидете толку сигурни во себе така што никој друг не може да ве омаловажи.
Станете толку самосвесни што критиките или погрешните проценки повеќе нема да влијаат на вас. Заштитете се од секој кој се обидува да направи да се чувствувате како да не сте важни. Работете на тоа да станете личност која луѓето едноставно не можат да ја скршат.
Личноста од која токсичните луѓе се откажуваат затоа што не можат да манипулираат со неа. Бидете толку сигурни во себе што кога некој ќе ве разочара или повреди – не го сфаќате тоа лично. Не го сфаќајте тоа лично. Никогаш не претпоставувајте автоматски дека нешто е ваша вина. Бидете пољубезни и понежни кон себе за дури и кога луѓето не го покажуваат тоа, да не мислите дека сте помалку вредни.
Не се повлекувајте во вашата школка затоа што не се чувствувате сакани или ценети. Покажете се уште повеќе заради себе. Му покажувате на светот кои сте навистина. Не ви е гајле ако не ја видат вашата вредност.
Бидете толку сигурни во себе што кога луѓето се обидуваат да манипулираат со вас, да не паѓате на нивните манипулации. Не дозволувате да влијаат на вас и не се преправајте дека не разбирате што се случува. Не плашете се да се соочите со луѓето и да поставувате граници. Не плашете се да побарате почит, искреност или одговори. Станете личност која си е важна самата себе, не само кога ви е погодено, туку секој ден. Не сте дошле толку далеку за да се откажете од себе. Не треба да се преиспитувате или да се сомневате во моментот кога некој ќе ве „понижи“ или ќе ве натера да се чувствувате дека не заслужувате љубов, успех, среќа или нешто за што тој некој чувствува дека не сте способни.
Бидете толку сигурни во себе што кога некој ќе се обиде да го урне она што сте се обидувале да го изградите или она кон на сте работеле, на крајот ќе удри во камен ѕид. Направете си безбеден простор во кој никој не може да се инфилтрира. Заштитете се од секој кој ќе се обиде да ви каже дека не сте способни да направите нешто, бидејќи таквите луѓе можат да ве парализираат и да ви го уништат животот доколку станете лесна мета на нивните очекувања и нивните зборови. Тие имаат моќ да ве натераат да се премислите само за да ја избегнете нивната драма или конфликт. Тие имаат моќ да ве спречат да правите нешто што го сакате или да преземете голем ризик само затоа што самите не можат да го направат тоа. Тргнете им ја таа моќ.
Станете толку безгрижни така што луѓето веќе нема да имаат никаква моќ над вас.
