Утре, сабота 7 мај, со почеток од 19:30 во 3Д Кино Битола ќе се прикаже филмот „Си беше еднаш во Србија“ на режисерот Пeтар Ристовски и авторот и продуцентот Звонко Шимунец.
Филмот е приказна за Лесковац – „српскиот Манчестер“, -кој станува дел од Европа помеѓу двете светски војни. Остварувањето зборува за вистинските вредности, пријателствата кои опстојуваат и искрената љубов. Начин на кој двете големи љубовни приказни и подготвеноста да се поднесе жртва во име на соништата, го означија патот и ја отворија вратата кон иднината.
По талкањето низ светот, во 1922 година, двајцата пријатели Дине и Цоне се враќаат во родниот крај, малиот град на југот на Србија. При пристигнувањето во запуштениот Лесковац, Дине го затекнува своето руинирано кино а Цоне сопствениот погреб! По војната, Дине (Немања Оливериќ) по некое чудо ќе се најде во Париз каде што учи за убавините на животот во голема метропола, ги запознава убавите парижанки и го открива новиот медиум – филмот. Цоне (Виктор Савиќ) по ранувањето и амнезијата завршува во Манчестер, тогашната престолнина на индустрискиот развој, каде што ќе научи дека само низ црниот фабрички чад и напорната работа се стигнува до успех.
Галеријата на блескави филмски ликови ги толкуваат најпопуларните српски актери: Виктор Савиќ, Слобода Миќаловиќ, Предраг Мики Манојловиќ, Радован Вујовиќ, Немања Оливериќ, Теодора Ристовски и многу други.
Оригинален наслов: Bilo jednom u Srbiji
Жанр: komedija
Режија: Petar Ristovski
Сценарио: Zvonimir Šimunec, Vladimir Andrić, Majda Šimunec
Земја: Србија
Јазик: српски
Улоги: Viktor Savić, Nemanja Oliverić, Teodora Ristovski, Sloboda Mićalović, Radovan Vujović, Zoran Cvijanović, Predrag Miki Manojlović, Ivan Bekjarev
Време: 135 min
Категорија: 2
За време и по првата светска војна, две момчиња и две девојки од Лесковац: Цоне и Дине, Зорка и Ружица имаат различни судбини но повторно се сретнуваат. ССојузниците го однеле Дине во Париз, каде научил сѐ за убавините на животот. Откако е ранет, Цоне пати од амнезија и завршува во Манчестер- центарот на индустриската револуција.
Опиени од победата во војната и инфицирани од „духот на слободата и напредокот“ кој го почувствувале во „големиот свет“, двајца беќари се враќаат во руинираниот Лесковац. Дине во своето мало, веќе непостоечко кино, а Цоне кај својата вереница.
