Пет изолирани острови каде луѓето ја доживуваат „стотката“ повеќе отколку во остатокот од светот се наречени „сини зони“. Покрај долгиот животен век, жителите на сините зони се карактеризираат и со добра физичка форма и ментално здравје, а експертите долго време се обидуваат да ја сфатат тајната на долговечноста. За сини зони се сметаат Икарија во Грција, Сардинија во Италија, Никоја во Костарика, Окинава во Јапонија и Лома Линда во Калифорнија.
Беше заклучено дека основата се нивните добри здравствени навики и социјална вклученост. Процесот на стареење не може да се запре, но ова се начините на кои можете да придонесете за подолг живот – почнувајќи од утринските ритуали, пишува Нова.
Започнете го денот со кафе или чај
Луѓето во сините зони пијат до три шолји кафе наутро. Како што одминува денот, тие се префрлаат на чај, а по пет попладне на вино.
Освен што помагаат во одржување на тежината, кафето и чајот му обезбедуваат на телото хранливи материи кои го забавуваат стареењето и помагаат да се намали ризикот од хронични болести. Во исто време, пиењето на овие пијалоци се прави во друштво, што има катарзично и релаксирачко дејство.
Не го прескокнувајте појадокот
Во текот на ноќта не јадеме и не пиеме, па наутро сме гладни и жедни, дури и ако тоа не го чувствуваме.
Дехидрацијата може да предизвика главоболки, грчеви во мускулите и разни други проблеми, па затоа една чаша вода е првото нешто што треба да го испиете веднаш штом ќе се разбудите. Исто така, ќе ве спречи да се прејадете за време на појадокот – едно од главните правила кога е исхраната во прашање е „јадете додека не се заситите 80%.
Сепак, за луѓето од сините зони, појадокот е главниот оброк и треба да биде избалансиран. Главно се базира на растителна храна и одговара на медитеранската исхрана – богат е со цели зрна, овошје и здрави масти. Ја користиме храната за да добиеме „гориво“ за почеток на денот, а добар избор се овесните снегулки, јогуртот и свежите сирења, агрумите, лиснатиот зеленчук, јаткастите плодови…
Спречете го стресот со утринска рутина
Луѓето во сините зони спијат кога им се спие и се будат без будилник. Ова природно го намалува стресот, кој се смета за тивок убиец и прави значителна штета на нашето тело.
Можеби звучи невозможно со оглед на нашиот модерен начин на живот, но постојат начини природно да станете ранобудници и да развиете шеми на спиење слични на оние во сините зони.
Некои студии докажаа дека утринските личности живеат подолго од оние кои имаат навика да останат будни до доцна и го преспиваат утрото, а многу успешни луѓе тврдат дека будењето пред пет наутро придонесува за намалување на стресот.
Пред да си легнете, отворете ги завесите за да дозволите природна светлина да влезе во собата во раната зора Внатрешниот будилник на вашето тело е чувствителен на природна светлина. Не само што ќе ви помогне природно да се разбудите, туку ќе ви даде и голема доза на витамин Д и ќе го подобри вашето расположение.
Спијте доволно
Планирајте 6-8 часа сон. Ноќните птици обично не заспиваат доволно рано за да се вклопат во препорачаната количина сон секоја вечер.
За да обезбедите квалитетен сон, исклучете ги екраните пред спиење, оставете ја природната утринска светлина да ве разбуди и избегнувајте прекумерна физичка активност пред спиење.
