Според Јунг, неправилното воспитување и одгледување на машкото дете може да доведе до развоен комлекс: маж-дете или возрасно дете. Возрасното дете е состојба во која возрасниот маж останува врзан за својата мајка и не може да се осамостои, да стане независен.
Ваквиот развоен коплекс настанува кога мајката не му дава доволно внимание и љубов на својот маж, односно на таткото на детето, така што мајката бара поголема поврзаност со својот син, повеќе од што ѝ е потребно – сѐ што е претерано не чини. Мајката се грижи за синот повеќе од што треба, го опсипува со внимание, сето ова доведува до зависност на синот од мајката.
Ваквата преголема грижа и внимание може да влијаат синот да не може да се осамостои, да му недостига храброст и одлучност за да направи какви било промени во својот живот. Кога детето се чувствува несигурно и зависно од мајката, тешко оди напред во животот.
Машкото дете може да развие нездрав однос со жените, често кај жените го бара она што го добива од својата мајка: грижа и внимание.
За еден маж да биде независен и самостоен, мора навреме да ја пресече папочната врска со својата мајка и да ја развива својата личност во насока на осамостоеност и независност.
Не значи дека мајката не треба да се грижи за својот син, но неопходно е да препознае кога е време да го ослободи од од себе за да може слободно да лета.
Таткото има клучна улога во развојот на независноста и самостојноста на својот син.
