Велигден е празник кој го поминуваме во кругот на најблиските. Покрај веселиот дух, силните религиозни пораки и семејните традиции кои ги негува, овој празник е омилен и кај гурманите поради разновидната трпеза која нуди многу вкусни јадења.
Сепак, велигденската трпеза покрај јајцата, со кои започнува секој оброк, е незамислива без познатата Мимоза салата.
Што ви е потребно:
- 4 компири со средна големина
- 4 тврдо варени јајца
- 200 гр шунка
- 300 гр сирење
- 2 чаши кисела павлака
- 100 гр мајонез
- Зачини по вкус
Подготовка
Сварете ги компирите заедно со лушпата. Откако ќе се сварат, нека се оладат па излупете ги. Сварете ги јајцата и изладени излупете ги.
Во сад измешајте павлака и мајонез, па посолете по вкус.
Земете сад во кој ќе ја наредите салатата и премачкајте ја со преливот од павлака и мајонез.
Додадете ги ренданите компири и покријте ги со слој прели. Потоа додадете ја ренданата шунка и исто така премачкајте ја со тенок слој од прелив. Потоа додадете рендани јајца и исто така премачкајте со прелив, па додадете сирење.
Повторете го процесот на редење уште еднаш и додајте уште малку сирење до самиот врв.
Добро изладете ја салатата и уживајте во освежителниот вкус.
Солениот десерт во форма на колач ќе биде вистинско ремек дело и омилено јадење на вашата трпеза, па затоа, доколку веќе не е, овој рецепт мора да стане составен дел од вашето традиционално празнично мени.
