Модриот патлиџан се одгледува низ целиот свет и се смета за една од најздравите намирници. Прилично лесно се одгледува бидејќи се прилагодува на речиси сите климатски услови.
Ова е една од намирниците која не содржи високо ниво на пестициди, па затоа нејзините здравствени придобивки навистина доаѓаат до израз.
Моќни антиоксидантни својства
Модриот патлиџан содржи фитонутриенти кои му ја даваат карактеристичната виолетова боја. Неговото конзумирање може да го намали ризикот од кардиоваскуларни болести, некои видови на рак и срцев удар. Исто така, може да спречи оштетување на ДНК и да го забави процесот на стареење.
Заштита на мозокот
Истражувањето спроведено на лабораториски глувци покажало дека модриот патлиџан може да ги заштити мозочните клетки од оштетување предизвикано од слободните радикали. Слободните радикали може да го зголемат ризикот од канцерогени клетки и нарушувања на меморијата.
Низок гликемиски индекс
Има низок гликемиски индекс. Тоа значи дека нема да предизвика нагли промени во нивото на шеќер во крвта. Овој зеленчук е одличен за секојдневната исхрана на сите луѓе, особено на дијабетичарите бидејќи може да ја олесни контролата на нивото на шеќер во крвта.
Поттикнува губење на тежината
Модриот патлиџан содржи многу малку калории и е одличен за слабеење. Тој е одличен извор на влакна, па ќе го забрза процесот на создавање чувство на ситост. Исто така, тој е направен од голем процент на вода, што значи дека е добар за хидратација.
Содржи малку јаглехидрати и масти
Модриот патлиџан содржи многу малку јаглени хидрати и масти. Но запомнете дека со додавање масло, сирење или јајца, тој повеќе не е нискокалоричен оброк. Доколку сакате да ги изгубите вишокот килограми, задолжително внимавајте со која храна го приготвувате.
Го намалува хроничното воспаление во телото
Со оглед на тоа што содржи моќни антиоксиданси, помага во намалување на хроничното воспаление во телото и ги ублажува симптомите на болести како што е артритисот.
Го намалува холестеролот и крвниот притисок
Студиите спроведени на лабораториски глувци покажаа дека сокот од модар патлиџан значително го намалува холестеролот. Исто така, се покажа дека сокот од модар патлиџан ги релаксира артериите и на тој начин го намалува крвниот притисок.
Тој е одличен извор на железо
Модриот патлиџан ќе му обезбеди на вашето тело онолку железо колку што навистина му е потребно, без никаков ризик од оштетување на функциите на телото.
