„Никој ништо не ти прави; сè си правиш сам на себе. Илузијата дека другите ти прават нешто те оддалечува сè повеќе и повеќе од твоето Битие и твојата внатрешна сила…“
Со овие зборови, духовниот учител Екхарт Толе нè потсетува дека вистинската промена започнува внатре во нас. Луѓето и ситуациите што ги среќаваме во животот не се случајни – тие се огледало на нашите неисцелени делови, на раните што уште не сме ги прифатиле и преобразиле.
Толе верува дека клучот кон внатрешниот мир е целосното преземање на одговорност за сопствениот живот, без обвинување на другите. Додека остануваме во улогата на жртва, го одложуваме сопствениот раст и внатрешен процут.
„Другите доаѓаат само за да ти покажат што сè уште не си излечил, затоа ти се потребни. Ти се потребни како што на детето му е потребна мајката. Без нив не би можел да го освестиш несвесното; не би можел да се развиваш и да ги видиш раните кои сè уште постојат во тебе.“
„Потполната одговорност – тоа е она што е потребно на духовниот пат до созревање и пронаоѓање мир.“
Кој е Екхарт Толе?
Екхарт Толе (Eckhart Tolle) е германско-канадски духовен учител и автор на светски познатите книги „Моќта на сегашниот момент“ (The Power of Now) и „Нова земја“ (A New Earth). Неговото учење е фокусирано на будноста, присутноста и ослободувањето од умот, а неговите книги инспирирале милиони луѓе ширум светот да пронајдат внатрешен мир и поавтентичен начин на живеење.
