Зависта и омразата во последно време се проширија од секојдневниот живот на интернет и социјалните мрежи. Тоа се токсични емоции кои ги трујат срцето и душата, а завидливиот човек престанува да го набљудува својот живот, заслепен од негативните емоции, навлегува во туѓите животи, ги гаи негативните емоции и го губи сопствениот мир. Тој престанува да живее затоа што постојано се споредува себеси со другите – туѓиот живот, а не неговиот живот, станува центар на светот.
Негувањето завист и омраза, може да се каже дека е духовна болест, а колку туѓите зли очи можат да ни наштетат? Во нив нема ништо волшебно, бидејќи ако во вашата душа владее доблест и добрина, тогаш можете да сметате дека веќе сте заштитени. Личноста која овде е нападната е секако таа која завидува и шири негативни чувства, има отров во нејзиното срце. Сепак, не е лесно и воопшто не е пријатно ако знаете дека некој не ви посакува добро. Во тој случај, важно е да преземете некои чекори за да ја искорените зависта и да се заштитите од неа.
Во старо време се зборуваше дека не треба многу да се фалиме, а особено да не им откриваме на луѓето планови и незавршени работи. На овој начин, можете да ги заштитите вашите активности и да спречите семе на завист во туѓото срце. Духовните отци рекле дека покрај негувањето доблести во срцата, моќна заштита од зависта и омразата е молитвата. Тие веруваат дека треба да се молиме на Бога да не заштити од непријателот, но и дека треба да се молиме за луѓето кои мразат и завидуваат за што побрзо да се ослободат од тој очај.
