Откријте ги најуникатните музеи на светот каде што се претставени работи за кои што не сте ни помислиле.
Музеите не се секогаш за слики, статуи или стари историски книги. Ширум светот има некои многу чудни музеи што ги изненадуваат посетителите со нивните колекции. Овие места имаат чудни објекти, смешни идеи и необични приказни што никогаш не би ги очекувале во еден музеј. Овие места ни даваат шанса да го видиме светот низ хумор, љубопитност а понекогаш дури и шок
Интернационален музеј на шпиуни (САД)
Овој музеј кој се наоѓа во Вашингтон е за шпиуни и тајни агенти. Има кул направи како кармин – пиштоли и кодни машини што ги имаат користено вистински шпиуни во вистински операции. Тука можете да играте и шпиунски игри, да пробате да се движите низ ласери и да научите вистински приказни за шпиуните ширум светот.
Музеј на трајна убавина (Малезија)
Во Мелака, овој музеј покажува како различни култури ја гледаат убавината. Некои од традициите можат да ве изненадат како на пример врзувањето во Кина, прстените за истегнување на вратот во Африка или тетоважи што ги сметале за убави. Овде навистина ке се замислиме за тоа што се лугето не направила за да изгледаат „убаво“.
Исландски палолошки музеј (Исланд)
Необичен музеј во Рејкјавик што има колекција на примероци од пенис од скоро секој цицач што го има во исланд, дури и китови и фоки. Можеби звучи смешно или чудно, но се е за научна цел, анатомија и природа.
Музеј на лоша уметност (САД)
Лоциран во Бостон, овој музеј истакнува уметнички дела кои не излегле баш така како што се планирало. Сликите изгледаат чудно и смешно, но во суштина тоа е поентата. Во овој музеј се покажува дека дури и лошата уметност може да биде креативна, може да не забавува и е вредна за погледнување.
Холот на опиумот (Тајланд)
Овој музеј во северен Тајланд ја раскажува приказната за опиумот. Како е користен како медицинско сретство, како има предизвикано општествени проблеми и како ја има обликувано историјата. Изложени се цевки за конзумирање опиум, приказни за криумчарење и трговија со опиум дури и опиумска соба како што ја користеле уживателите а сега можеме да ја разгледаме.
Музеј на иднината (Дубаи)
Овој музеј изгледа како да излегол од некој научно фантастичен филм. Самата зграда е ремек дело. Внатре можете да видите изуми, технологија и креативни идеи за тоа како би изгледал светот во иднина.
Музеј на чашки за нудли (Јапонија)
Во Јокохама и Осака, Јапонија, можете да најдете музеј кој е посветен на инстант нудлите. Посетителите можат да видат како нудлите се измислени, да си направат сами чашка за нудли дури и да си дизајнираат сопствено пакетче со нудли. Искуството е колоритно, забавно и вкусно.
Овие музеи ни кажуваат дека учењето не мора секогаш да биде сериозно и здодевно. Дали е шпионирање како таен агент, смеење на лоша уметност или дизајнирање на чашка за нудли, секој музеј нуди нешто ново и забавно. Овие музеи не потсетуваат дека историјата, културата и креативноста можат да бидат забавни и да уживаме во нив на многу различни начини!
