Цвеклото е едно од најздравите и најпотценети зеленчуци, богато со витамини, минерали и антиоксиданси кои го зајакнуваат имунитетот и ја подобруваат циркулацијата. Иако најчесто го препознаваме по интензивната црвена боја, цвеклото не мора секогаш да изгледа така. Постојат сорти кои се жолти, бели, па дури и пругасти, а сите тие носат слични хранливи придобивки.
Пигментот кој го прави црвеното цвекло толку впечатливо има силно антиоксидативно дејство, а зеленчукот е особено корисен за луѓе со анемија бидејќи содржи железо, фолна киселина, витамин Ц, магнезиум и калиум.
Најдобро се консумира свежо – како сок, салата или смути – бидејќи така ги задржува најмногу хранливи материи. Но одлично е и варено на пареа, печено во рерна или како дел од зимницата. Во кујната е исклучително разновидно: може да се подготви како супа, намаз, пире, рижото или дури како песто.
Интересен е и историскиот момент – уште старите Грци и Римјани го сметале цвеклото за афродизијак, верувајќи дека ја буди енергијата и виталноста. Денес науката го потврдува она што тие одамна го почувствувале: цвеклото навистина е моќна и корисна суперхрана.
