На 3 август 2025 година, светски познатиот диџеј и музички продуцент Армин ван Бурен ќе настапи на Градскиот стадион „Петар Милошевски“ во рамките на фестивалот Bitola OpenAir.
Настанот е закажан веднаш по Илинденските празници, а организаторите Авалон продукција го најавуваат како еден од најголемите и најзначајни музички спектакли што некогаш се случиле во Македонија. Со овој настап, Битола станува првиот град во државата што ќе угости музички артист од А-категорија на светската сцена.
Армин ван Бурен, кој веќе децении важи за еден од највлијателните имиња во електронската музика, е познат по своите визуелно и музички совршено дизајнирани настапи. Неговите шоуа не се само забава, туку културно доживување што го надминува жанрот и ја привлекува публиката од најразлични генерации.
Влезниците за овој настан ќе бидат пуштени во продажба од среда (11 јуни) во 9 часот наутро онлајн на avalonbooking.mk и во продажната мрежа на karti.com.mk по следните цени и категории:
Партер – 1.500 ден. / €24.5
Фан пит – 1.990 ден. / €32.5 (само 1000 влезници)
VIP – 6.000 ден. / €100 (подразбира влезница со висока маса. За резервација на пакети потребно е да се јавите на 071 790 055)
Ова е првпат Битола да биде домаќин на ваков калибар артист, а градот се подготвува за вистинска летна еуфорија и голема посетеност од цела Македонија и пошироко.
