Знамињата на земјите се со различни бои, украсени со секакви елементи како орли, ѕвезди, змејови. Меѓутоа, ако добро ги познавате боите и грбовите, сигурно сте забележале една работа, а тоа е дека на ниту едно знаме нема виолетова боја.
Причината лежи во тоа што, меѓу другото, виолетовата боја во минатото била многу скапа. Во античко време се добивала од посебен вид морски полжави од Медитеранот. За само еден грам боја биле потребни преку 10.000 полжави. Затоа оваа боја ја ценеле колку злато, пишува Quora.com.
Во повеќето случаи, виолетовата боја се поврзувала со кралските семејства, бидејќи само тие имале услови да ја носат.
Во 16 век, кралицата Елизабета наредила само членовите на кралското семејство да носат виолетова боја. И никој освен нив.
Сепак, оваа боја понекогаш била скапа за самите владетели.
Римскиот император Аврелиј и забранил на сопругата да купи свилена виолетова марама, бидејќи само едно шише боја чинела три златни прачки, што денес би изнесувало околу 50.000 евра.
Престижниот статус на виолетовата боја се промени дури во 1856 година кога младиот британски хемичар, Вилијам Хенри Перкин, додека се обидуваше да најде лек за маларија, случајно откри начин да произведе синтетичка виолетова боја.
Бидејќи неговото производство беше многу полесно, виолетовата боја стана достапна за секого, и не е чудно што се појавува на некои знамиња создадени околу 1900 година.
