Во Офицерскиот дом во Битола се одржаа завршните активности на проектот “SOLVE” кој беше наменет за превенција и менаџирање на гранични поплави и шумски пожари. Проектот вклучи партнери од Република Северна Македонија и Грција, Универзитетот Св. Климент Охридски, Центарот за развој на Пелагонискиот плански регион и Децентрализираната администрација на Епир и Западна Македонија, како и Универзитетот на Западна Македонија од Кожани. Основната цел беше заедно да ги подобрат регионалните капацитети за предвидување и реагирање на природни катастрофи.
Во рамките на проектот, педесетина професори активно ги споделија своите експертни знаења со заедницата и релевантните институции. Идентификуваа четири нивоа на активности: предвидување на опасности, рано предупредување, ублажување и управување со природни катастрофи, како и закрепнување на областите засегнати од катастрофи.
Ректорот на УКЛО, проф. д-р Игор Неделковски, посочи од каква важност е значењето на институцијата во унапредувањето на способностите за справување со природни катастрофи во регионот.
На настаните учество зедоа релевантни експерти од своите области, кои ги презентираа своите активности во проектот. Во првиот ден учество зедоа М-Р Александар Ангелевски, од ТППЕ Битола, кој што ги сподели своите искуства во борба против пожари и поплави во Пелагонскиот регион, Проф. Д-р. Билјана Граматковски која презентираше на темата:„Култура на цивилна заштита – обука на заедницата за справување со шумските пожари во Пелагонискиот регион“, како и Проф. Д-р. Сашко Мартиновски кој го презентираше прирачникот: „Култура на цивилна заштита – обука на заедницата за справување со ризици од шумски пожари“.
Вториот ден од конференцијата беше посветен на тематиката на справување со поплави, а на конференцијата учеството зедоа Проф. Д-р. Милорад Јовановски од Градежниот факултет од Скопје, кој имаше презентација на тема: „Справување со поплави и свлечишта,“, Проф. Д-р. Билјана Граматковски која презентираше на темата:„Култура на цивилна заштита – обука на заедницата за справување со поплави во Пелагонискиот регион“, како и Проф. Д-р. Татјана Блажевска, која го презентираше прирачникот:„Култура на цивилна заштита – обука на заедницата за справување со ризици од поплави“.
Дводневниот настан каде се прикажуваа резултатите на проектот СОЛВЕ во Офицерскиот дом во Битола на 9 и 10 ноември 2023 година се гледа како значаен чекор кон остварување на значајни заеднички цели, вклучувајќи го зголемувањето на регионалните капацитети за борба против шумски пожари и поплави. Нивната сериозност и потенцијалните негативни последици беа истакнати како движење во подобрувањето на подготвеноста за овие катастрофи.
