Синоќа пред голем број гости и учесници свечено беше отворено 41-вото издание на Меѓународната детска ликовна колонија „Мал Битолски Монмартр” и 40-тата светска детска ликовна изложба „Битола 2О22″ која оваа година е јубилејна. Не изостана и традиционалниот огномет.

На гостите и учесниците пред платото на Националната детска ликовна галерија Монмартр им се обратија Претседателката на Детското ликовно студио „Свети Кирил и Методиј Битола“, Елена Хаџи-Антоновска која е ќерка на основачот на колонијата, светски признаениот ликовен педагог Коста Хаџи-Антоновски [ 1935 – 2O21 ], додека колонијата и изложбата за отворени ги прогласи градоначалникот на Општина Битола, Тони Коњановски кој во име на градот домаќин ги додели и наградите за 16 училишта од 14 држави кои се учесници на годинешното издание на Малиот Битолски Монмартр. Присуствуваше и најмалиот учесник, тримесечното бебе на педагогот учесник од Албанија.

Пред преполното плато беа доделени и специјалните награди кои се пропишани согласно Статутот на Детското ликовно студио „Свети Кирил и Методиј“ Битола додека годинешната највисока награда Гран При беше примена од раководителот на ликовното студио Вејсел Аџар од Трабзон – Република Турција.

92
109

Хаџи-Антоновска и Коњановски им посакаа на учесниците креативна работа во следните 7 дена во кои се предвидени патувања во битолското село Буково и Охрид како и ден кога дел од учесниците ќе цртаат староградска архитектура во Генералниот Конзулат на Република Грција во Битола.

Славчо Неделковски во улога на организатор на работни активности и односи со јавноста на МБМ, а во име не Детското ликовно студио „Свети Кирил и Методиј“ Битола пред самиот крај на вчерашната програма од свеченото отворање ги истакна трите новитети. Имено, членовите на Детското ликовно студио „Свети Кирил и Методиј“ Битола една година по смртта на Коста Хаџи-Антоновски ја избраа Елена Хаџи-Антоновска за свој нов Претседател како најдостојна да ја продолжи визијата и мисијата на својот татко.

42

Беше прочитана и Одлуката на членовите иницијалите на ликовниот педагог Коста Хаџи-Антоновски да станат составен дел од сите официјални материјали на Детското ликовно студио „Свети Кирил и Методиј“ Битола како што се нивниот амблем – логотип – знаме и заштитен знак и се тоа со цел оддавање на почит достојна на човек и пред се педагог каков што беше Хаџи-Антоновски.

На свеченото отворање вечерва беше присутна и ликовната екипа од училиште во Украина, која и покрај војната допатува во Битола, а ја сочинуваат ликовен педагог и двајца ученици.

Воедно беше најавено дека Детското ликовно студио „Свети Кирил и Методиј“ Битола во соработка со Пошти во текот на неделата ќе ја промовираат и Поштенската марка која е изработена специјално за Малиот Битолски Монмартр.

Колонијата традиционално трае од 23-ти до 3О-ти мај. На истата за наградата Учество во конкуренција беа 45О школи од над 4О држави од цел свет од кои беа пратени над 22.5ОО цртежи од 22.ООО деца – ликовни уметници.

Битола по 2 години пауза поради пандемијата со коронавирусот повторно низ Широк Сокак и битолските улици ќе ги има оваа година 85-те деца – амбасадори на своите земји кои традиционално ќе сликаат архитектура.

Фото: Диоген Хаџи Коста Милевски

Напишете коментар

Вашата адреса за е-пошта нема да биде објавена.

Претплатете се за новости

You May Also Like

ООУ „Ѓорѓи Сугарев“ Битола го доби признанието за Најдобра установа од областа на заштитата, образованието и рехабилитација на лицата со попреченост

Фондацијата ,,Професор д-р Љупчо Ајдински”, а на предлог на Сојузот на специјални…

ДЛС „Свети Кирил и Методиј“ со апел за спас на Малиот Битолски Монмартр

Од Детското ликовно студио „Свети Кирил и Методиј“ Битола денеска преку социјалните…

„Големиот воин и неговата храбра ќерка“ – Биографија за Златко Неделковски напишана од неговата ќерка Дијана

Во Офицерскиот дом беше промовирана биографијата за спортската легенда на Битола, кик…

Промоција на две книги од авторката Билјана Андоновска во Бигорски манастир

На 16 април, на празнувањето на Лазаревото воскресение, авторката Билјана Андоновска од…