Биљана Солунчевска е магистер по Клиничка и советодавна психологија и долги години ја истражува и соработува со лицата кои живеат со дијабетес.
Дијабетесот е автоимуна болест или состојба на телото, уште се нарекува и тивок убиец меѓу народот. Соочувањето со оваа болест и понатаму да се продолжи животот според вообичениот тек е огромен предизвик за луќето на кои им е дијагностициран дијабетес.
Од огромна важност е на луѓето да им се објасни правилно да се едуцираат за болеста која ја стекнале и да им се помогне во борбата за достоинствен живот. Човек е неопходно да си ја прифати дијагнозата, но не и медицинската прогнозата.
Читај бе: Кој е најголемиот психолошки предизвик ?
м-р Биљана Солунчевска: Нема најголем психолошки предизвик. Бидејќи секој психолошки проблем е подеднскво важно за еден психолог да го реши на најдобар начин, односно да му помогни на својот клиент како најдобро и најефикасно да му помогне во надминување на психолошките проблеми.
Читај бе: На што се должи дијабетесот?
м-р Биљана Солунчевска: Шеќерна болест или дијабетес (лат. Diabetes mellitus) е хронично системско пореметување на метаболизмот кое се карактеризира со хипергликемија, т.е. трајно зголемување на нивото на глукоза во крвта. Генерално е условен од наследни фактори, а настанува како последица на намалено излачување или намалено биолошко дејство на хормонот инсулин, односно во комбинација со овие два фактора. Тој недостаток ја попречува размената на јаглехидрати, масти и белковини во организмот (што се манифестира со карактеристични тегоби), а по подолго време влијае и на структурата и функцијата на крвните садови, нервите и други витални органи и органски системи.
Читај бе: Како може семејството и училиштето да превенираат?
м-р Биљана Солунчевска: Семејството е најважната алка во превенција на дијабетесот кај лицата со дијабетес, покрај него кога се работи за дете кое оди во градинка или во училиште, воспитувачите, наставниците и другарите имаат исто така многу важна улога во превенцијата на дијабетесот. Само добро едуцирано семејство и наставници, воспитувачи, можат успешно да го превенираат дијабетесот. Затоа едукацијата е на прво место.
