Во малата сала на НУ Завод и музеј беше отворена една исклучителна изложба посветена на еден елемент на народната носија кој е на некој начин занемарен, но сам по себе претставува еден вид на уметничко дело од големо значење за македонското народно творештво.

3

Автор на изложбата „Елемент на народната носија ГРЛО“ е Наде Геневска Брачиќ, етнолог и кустос-советник во битолскиот музеј, а изложени се 50 елементи.

2

„Кога сите ние размислуваме за поединечни предмети не сме свесни која е нивната тежина и симболика и приказната која во себе ја носат. Ние како истражувачи и вие како публика се надевам дека заедно преку изложбата ќе имаме можност да пропатуваме и да имаме едно подолго патешествие низ историскиот развој, развојот на поединечни типови везови, одредени елементи и нивната симболика, во период од пред 150 години па се до денес“, рече Мери Стојанова, директор на Завод и музеј Битола.

изложба 21

Овој елемент во различни краишта различно се нарекува, а Геневска Брачиќ се определи за ГРЛО кој потекнува од горните битолски села. Изложбата е еден дел од збирката од народни носии и текстил, 50 поединечни грла и некои постари типови кои во различни периоди ја украсуваа кошулата oд вкупно 150 кои ги има во музејот.  

„Може да се види длабокото духовно творештво на нашиот народ, од различни периоди, се употребувале сите техники. Нема ниедно идентично во сите 150 предмети, сите се различни. При секое истражување, мој предизвик е да ги гледам поединечно сите облековни елементи, затоа што секој елемент има своја приказна. Се надевам дека овие предмети кај секој од вас ќе предизвикаат инспирација, за да може да се создадат нови дела. Овој елемент прв пат се претставува поединечно, досега бил занемарен, а секогаш бил изложен како дел од носијата. Наша цел како истражувачи е секогаш да ги претставуваме деловите од нашето традиционално културно наследство“, рече пред присутните авторката на изложбата, Наде Геневска Брачиќ.

изложба 15

Изложбата е дел од годишната програма на Завод и Музеј Битола и финансирана од Министерството за култура.

Фотограф: Диоген Хаџи-Коста Милевски

jk travel borovec

    Промовирана книгата „Креативни техники за работа со деца во инклузија“ од Тања Илиева и Александра Упале
    Во просториите на основното училиште. „Св. Кирил и Методиј “ – Битола …
    Нова превентивна кампања на СВР Битола – поблиску до граѓаните за побезбеден град
    СВР Битола на подрачјето на Битола започна со реализација на нова превентивна …
    Напишете коментар

    Вашата адреса за е-пошта нема да биде објавена. Задолжителните полиња се означени со *

    Претплатете се за новости

    You May Also Like

    Ново детско катче во Битола – Игротека Jungle fun

    Битола доби уште едно катче наменето за најмилите – Игротека Jungle fun…

    Кармен Ексклузив заедно со своите пријатели и клиенти прослави 30 години успешно работење

    30 години „за влакно пред другите“. 30 години пример за многумина како…

    Академијата за боречки вештини „ЗА НЕД ДО“ го прослави 40-от роденден

    Кунг Фу Клубот кој гордо го носи името на сопствениот град „Битола”…

    Грција втора во светот според бројот на најчисти плажи – 581 плажа ја доби ознаката Сино знаме, Халкидики убедливо води

    Грчките плажи се меѓу најчистите во светот, а Халкидики и островот Родос…