Вчера во Трабзон, Турција беше отворена изложба на слики од деца и млади ликовни уметници, како и талентирани деца од 21 земја.
Оваа ликовна изложба насловена како „Децата на светот во Трабзон“ беше отворена во Трабзон во рамките на „23 април, ден на националниот суверенитет и Денот на детето“ во Турција, која е првата земја во светот која го прославува Денот на детето како национален празник.
Изложбата која беше подготвена под раководство на гувернерот на Трабзон и под координација на Покраинскиот директорат за култура и туризам како и уметничкиот едукатор професор Вејсел Ачар, беше отворена за разгледување во Државната галерија за ликовни уметности во Трабзон.
Самата изложба опфаќа 68 дела од 21 земја, вклучително и Турција, кои победија на конкурсите организирани од детската светска ликовна колонија „Малиот Битолски Монмартр“ од Битола која постои 43 години во организација на Детското ликовно студио „Свети Кирил и Методиј“ Битола формирана пред 55 години.
Гувернерот на Трабзон Азиз Јилдирим, кој присуствуваше на отворањето на изложбата, потсети дека Мустафа Кемал Ататурк учел во военото училиште во Битола, многу позната како Манастир.
Јилдирим истакна дека изложбата, која беше отворена со истакнатите дела на конкурсот што ја одржува детската работилница веќе 55 години, за прв пат е претставена во Трабзон во Турција и рече:
„За нас е гордост. Би сакал да им се заблагодарам на сите што придонесоа. Голема чест е да се отвори ваква убава и колоритна активност во Трабзон. – рече тој.
Потсетувајќи дека Ататурк им го подари 23 април како празник на децата, Јилдирим им честиташе и на учениците од ОУ „Думлупинар“ кои дојдоа да ја посетат изложбата.
Како официјални претставници на церемонијата на отворањето беа директорот за култура и туризам на провинцијата Трабзон Тамер Ердоган – неговиот заменик Фејхаман Јавуз Курназ и менаџерката на галеријата Ајшеѓул Јилмаз.
Славчо Неделковски како еден од менаџерите на Детското ликовно студио „Свети Кирил и Методиј“ Битола објасни дека работилницата е основана пред 55 години и оттогаш 55 години одржува изложби и ликовни колонии низ светот.
Неделковски објасни дека отвораат изложба за прв пат во Турција и како пример ги посочи зборовите на Мустафа Кемал Ататурк за децата: „Децата се иднината на нашата нација и извор на радост и веселба“, како и универзалната порака дека Атарук дава многу едноставно упатство за местото на учителите во животот на децата велејќи: „Учителите се единствените кои можат да ја спасат нацијата“.
Неделковски исто така рече: „Децата од Трабзон се редовни учесници на светската детска ликовна изложба на конкурсот „Битола“ и на светската детска ликовна колонија „Малиот битолски Монмартр“, освојувајќи високи награди поради нивниот уметнички квалитет. Сепак, оваа година е посебна и поради две причини. Нашиот пријател – професорот Вејсел Ачар од Trabzon Veysel Acar Atölyesi одбележува скромна 20-годишнина од редовното учество во колонијата што ја претставува Турција и исто така за 2O24 тој е добитник на Големата награда „Професор доктор Богомил Карлаварис“ за животно дело на достигнувања во областа на образованието на млади ликовни уметници и талентирани студенти“.
Изразувајќи ја својата среќа што е во Трабзон со својот претседател, Неделковски им се заблагодари на оние кои придонесоа за организирање и отворање на изложбата.
Елена Хаџи-Антоновска, како претседател на Детското ликовно студио „Свети Кирил и Методиј“ Битола од гувернерот на Трабзон доби посебно признание за работните идеали и мисијата на студиото претставени во светски рамки.
Професорот Вејсел Ачар рече дека уметниците на возраст од 4 до 20 години од 21 земја ги отсликуваат впечатоците што ги стекнале на историски места: Битолската стара архитектура и Охридската стара архитектура и 1.000 стариот Бигорски манастир „Свети Јован Крстител“ на различни уметнички техники“.
По завршувањето на говорите, Славчо Неделковски на гувернерот Јилдирим и неговата придружба им ги врачи ордените специјално нарачани за 55-годишнината на Детското ликовно студио „Свети Кирил и Методиј“ Битола.
Изложбата може да се посети до вторник, 9 април 2024 година во Трабзон – Турција.
