Едни од најпознатите велигденски јајца секако се оние направени од петроградскиот златар Карл Петар Фаберже. Тој го привлече вниманието на тогашното царско семејство во Русија со првите дела што беа изложени на Серуската изложба во Москва во 1882 година. Царот и царицата му доделија златен медал за таа колекција, бидејќи со својата работа „започна нова ера во уметноста на изработката на накит.“ Оттогаш почнува да работи за потребите на палатата.
Во периодот од 1885 до 1917 година, секоја година за Велигден, во царската палата ги носел своите уметнички дела во форма на велигденски јајца, а колекцијата се состои од вкупно 71 примерок, од кои 52 се царски. Два примероци останаа недовршени, направени од злато и други скапи материјали. Нарачатели на неговите дела биле руските императори, таткото и синот Александар Трети и Николај Втори.
Јајцата се направени од благородни метали, како злато и сребро, бакар, никел и паладиум, а готовите јајца на крајот се украсени со скапоцени камења, сафири, рубини, смарагди и дијаманти. Јајцата содржеле и најразлични изненадувања, како медалјон, коњаник, воз, лебед, петел, птица, срце, кочии итн.
За основата на јајцето се користел природен камен. Се користела техника на делумно проѕирен емајл, понекогаш во неколку слоеви, од кои секој требаше да се пече посебно.
Иако во времето на нивното создавање, златарите користеле само неколку бои, Фаберже преку експериментирање успеал да постигне дури 140 различни нијанси.
Дизајнот за јајцето е инспириран од уметнички дела копирани од Ермитаж и важни моменти во историјата на царското семејство, како што се крунисувањето на царот Николај, завршувањето на Транссибирската железница и годишнината од бракот или владеењето. .
Првото јајце го дал рускиот император Александар III на неговата сопруга Марија Фјодоровна за Велигден во 1885 година. Подарокот ѝ се допаднал толку многу што царот продолжил да и дава скапоцени јајца за секој следен празник. Неговиот наследник Николај Втори ја продолжил таа традиција.
Денес јајцата се наоѓаат во девет музеи низ светот.
Зачувани се 43 јајца, а повеќе од една четвртина (10 од нив) може да се најдат во Музејот во Кремљ.
Јајца Фаберже купило и британското кралско семејство.
Во Музејот на уметност во Кливленд има едно јајце.
Музејот на ликовни уметности во Вирџинија има своја колекција јајца, која ја донира Лилиан Томас Прат во 1947 година заедно со неколку стотици други руски уметнички дела.
Веројатно највредното Фаберже јајце во светот е неодамна повторно откриеното Трето царско велигденско јајце. Се проценува дека вреди околу 33 милиони долари, што го прави најскапото јајце Фаберже досега.
