Фрагменти од дипломскиот труд на Сара Трајчевска од Битола, преведен на англиски, е објавен во Романскиот весник за политички науки. Истражувањето беше спроведено во 2020 година, а фокус беа креаторите на лажните вести од Велес, Македонија, кои имаа за цел да ја привлечат американската публика со пишување на лажни вести кои наликуваат на вистинити приказни, а со тоа и прилекување голем број читатели од Америка. Инаку Сара Трајчевска е дипломиран новинар и односи со јавност на Универзитето ,,Овидиус” од Констанца, Романија, а воедно и магистер во одделот на ,,Односи со јавност и интеркултурно развивање” на истиот Универзитет.
За спроведување на истражувањето, Сара, стапи во директен контакт со дел од креаторите на ваквиот тип вести, а истовремено и ги провери содржините на истите, со што дојде до заклучок дека се работи за вести кои повеќе наликуваат на приказни, отколку на новинарски, вистинит напишан текст кој има за цел да ја информира јавноста.
На прашањето кој е одговорен за сето ова, истражувањето на Сара Трајчевска дава одговор дека колку што креаторите на овие вести се одговорни за пишувањето и ширењето на лажните вести, толку се одговорни и дистрибуторите, Google и Facebook, но и самите читателите, поради неинформираноста во однос на одбирање на правилниот избор за дознавање и споделување на информациите кои кружат на интернет.
Исто така, Сара во соработка со своите професори од Романија, заклучи дека се работи за еден ,,Пазарен механизам” кој што тотално ја поништува идејата дека новинарството е услуга за јавноста, односно јавна услуга, затоа што во овој случај, младите од Велес, велат дека нивните текстови биле еден вид на производи на американскиот пазар и целта била што е можна поголема заработка, без разлика што во овој случај се работи за потполно неквалитетни и неверодостојни новинарски текстови.
