butin elena

Пишува: Елена Кузмановска, психолог

Скоро прочитав една книга која ме разбранува да размислувам на темата: тајни и посебно чувањето на тајните кои по некое време се претвораат во длабоки трауми. Ние луѓето, речиси опсесивно се заветуваме, дека ќе ја чуваме тајната засекогаш.

И што се случува со нејзе???

Почнува полека, полека и без врева да си наоѓа место во нашата душа и тело. Откако ќе се вгнезди во некое ќошенце почнува нелагодноста… Мислиш дека не мислиш на нејзе, а всушност те вшмукува во некој непријатен и ептен нелагоден меур. Ама, упорно го чуваш меурот како светиња и го пазиш никако да не пукне. Затоа што ако се случи тоа толку страшно пукање, ќе се разлее и со тоа ќе се рашири насекаде. Така внимателно чувајќи го веќе смрдливиот и полускапан меур сѐ уште не сфаќаш дека од негде се шири непријатен мирис. Од кај комшиите е, си велиш. Па правиш се што ќе посака тајниот меур и сѐ уште не ти текнува дека тој загосподарил со тебе. И нормално, како добар слуга ги слушаш суптилните заповеди…

-Молчи!

-Однесувај се како да не постои!

-Тоа е само твоја тајна!

-Ќе ти се смеат сите!

-Слабак сум!

Сигурно сум голем мекуш штом не знам да си задржам нешто вака големо за себе, си велиш!

А смрди, ли смрди!

И така си шеташ со гнилеж во себе се дури некогаш не разбереш дека можеш да се ослободиш, да го исплукаш пред некој што ќе знае и ќе може да ти помогне во цел тој процес. Тоа е моментот кога ти текнува дека мора да „сечеш до здраво” и дека чистењето не е баш лесен процес.

И тргнуваш, падни, стани, слој по слој од насобраниот отпад чистиш, ли чистиш!!!

Се потиш, се мачиш ама знаеш дека после големата емоционална генералка  пак ќе светне куќата – душа!

Без трупање на токсичен отпад во Новата, please!

326270051 574524910788428 2055822843167145426 n
Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за новости

You May Also Like

Бутин: Немојте да попуштате – го боли светот

Пишува Биљана Т. Димко Грев ми е. Ме боли душата. Срцето да…

Бутин: Која е поентата да ги сакаме само оние кои и нас нѐ сакаат?

Пишува: Влатко Стојковски „А, што би било кога болката би ја чувствувал…

Телевизијата можеби и не е мртва, но ТВ рекламите сигурно се – колумна на Наташа Велковска

Пишува: Наташа Велковска, директор за ПР и продукција во Represent Communications Компаниите…

БУТИН: Која е реалноста – хипокризија вклучена на шестка

Пишува: Биљана Т. Димко Социјалните мрежи сервираат филтрирана содржина која е одличен…