Како дел од битолското културно лето БИТ ФЕСТ, во рамките на Балкан гала фестивалот, на Ракометното игралиште во Битола, многубројната публика имаше можност да се забавува со Поп симфонијата.
Битолчани на втората вечер од Балкан Гала беа исто така во голем број со цел под ѕвезденото небо на Ракометното шеталиште да ги слушнат постарите, но и актуелните поп хитови.
Поп симфонијата ја отвори битолскиот „Супермен“ – Виктор Апостоловски.
Емотивен момент беше кога Гоца Тржан ја исполни песната „Игри без граници“ од Тоше Проески.
Ристо Самарџиев пак се наврати на својот настап пред 40 години на истото место, а потоа заедно со публиката ги пееја неговите хитови.
Публиката во еден глас ги испеа и хитовите на Горан Каран и Тони Цетински. Но, особено ги воодушеви нивната заедничка изведба на „О Соле Мио“.
На поп симфонијата гостуваа Ламбе Алабаковски, Тони Цетински, Гоца Тржан, Ристо Самарџиев, Горан Каран, Викторија Лоба, Александра Јанева и Виктор Апостоловски. Изведувачите беа придружувани од Камерниот оркестар на Битола со диригентот Владимир Димовски.
За крај сите зааедно ја исполнија „Битола мој роден крај“.
Фотогалерија на Саше Богоевски
