Од октомври 2022 година, Здружението за развој на ромската заедница „Сумнал“ започна со имплементација на нов проект во рамките на Еразмус + програмата за „Активно учество во поттикнување на дигиталната писменост кај младите од ранливите категории“ финансиран од Националната агенција за европски образовни програми и мобилност.
Во октомври се одржа воведен состанок за планирањето на активностите, подготовка на проектната документација како и комуникација со засегантите страни. Додека пак, во ноември беа спроведени две фокус групи кои што беа составени од млади од ранливи категории.
Општата цел на проектот е развој на дигиталната писменост преку развивање на дигиталните вештини кај младите од ранливи категории, додека специфичните цели се однесуваат на: Развој на дигитални вештини за користење на електронски уреди и бесплатни технологии; Стекнување на знаења за употреба на електронски образовни содржини и образовни аплицкации; Поттикнување на младите од ранливи категории да истражуваат, самопрофилирајќи ја професионалната иднина. Проектните активности треба да добијат форма на консултативно-партиципативен процес со следните активности: спроведување на теренско истражување, креирање и функционирање на меѓусекторска работна група, организирање на работилници и консултативни форуми, обука за развој на дигитални вештини за млади Роми, изработка и усвојување на стратешки документ од страна на локалната самоуправа.
Се планира да се 25 вклучат млади Роми од 13-30 години. Влијанието на локално ниво ќе биде евидентно на начин што оваа маргинализирана група на млади луѓе ќе имаат можност да се стекнат со нови знаења од областа на информатиката. Знаењата ќе бидат применливи и ќе претставуваат можност за надоградување во иднина.
Креаторите на јавните политики ќе имаат сознанија за проблемите со кои се соочува оваа маргинализирана група од аспект на дигиталната писменост и своите напори ќе ги фокусира кон креирање на јавни политики за поттикнување и развој на дигиталната писменост. Се разбира, влијанието на локално ниво ќе се рефлектира во влијание на регионално, национално или европско ниво на начин што може да се развие проект за соработка и партнерства со другите држави за да се поттикне и развие дигиталната писменост кај младите од ранливи категории.
